Uffizi dal stedi civil
Das ganze Leben
Infolge Schulungen bleibt das Büro des Zivilstandsamtes der Region Maloja am Freitag, 16. Mai 2025 ganztags geschlossen.
L’uffizi dal stedi civil Malögia cumpiglia las vschinaunchas da Bergiaglia, Bever, Celerina/Schlarigna, La Punt-Chamues-ch, Madulain, Puntraschigna, Samedan, S-chanf, Sils/Segl in Engiadina, Silvaplauna, San Murezzan e Zuoz.
In Kürze
L’uffizi dal stedi civil da la regiun Malögia es cumpetent per la documentaziun dal stedi civil. Per exaimpel in cas da naschentscha, arcugnuschentscha, copulaziun, mortori u in cas da declaraunza d’ün nom. El as rechatta al plaun terrain da la chesa cumünela a San Murezzan vschinauncha.
Incumbenzas da l'uffizi dal stedi civil
In prüma lingia cumpiglia la lavur da l’uffizi dal stedi civil la documentaziun dal stedi civil. El cussaglia in cas da
- Naschentscha
- Arcugnuschentscha
- Copulaziun
- Mortori
- Declaraunza d'ün nom
- Puster documaints
- Copulaziun civila
- Natüralisaziun
- Mortoris
Copulaziun civila
San Murezzan
Copulaziuns a San Murezzan haun lö düraunt las seguaintas uras:
- Lündeschdi fin venderdi: 09.00 fin 11.30, 14.00 fin 16.30,
exceptuo lündeschdi zievamezdi illa chesa cumünela - Sanda: aunzmezdi sün dumanda,
copulaziuns haun lö illa chesa cumünela da San Murezzan
Otras vschinaunchas
Copulaziuns in otras vschinaunchas haun lö düraunt las seguaintas uras:
- Lündeschdi fin venderdi: 09.00 fin 11.30, 14.00 fin 15.30,
in cas cha que nun exista üngün domicil illa vschinauncha, sun da pajer ulteriuras taxas
Ad es eir pussibel da copuler a pêrins chi nun haun üngün domicil illa regiun Malögia u in Svizra.
Las staunzas da copulaziun
Per plaschair piglier sü contact cun nus per sclarir la disponibilited da las localiteds e l’ulteriura procedura.
San Murezzan
- Staunza da dschember illa chesa cumünela, max. 15 persunas
- Sela da cussagl illa chesa cumünela, ca. 25 persunas
- Sela da la chesa da scoula veglia, taxa supplementera CHF 200, ca. 80 persunas
- Forum Paracelsus a San Murezzan Bagn, taxa supplementera CHF 250, 50 persunas
- Museum Engiadinais, taxa supplementera CHF 600
- Stüa de Gros dal 17. tschientiner, max. 50 persunas
- Staunza da Savognin dal 15. tschientiner, max. 30 persunas - Museum Segantini, sela a cupla, taxa supplementera CHF 1000, ca. 50 persunas
- Padrutt’s Palace Hotel, sela da Nossaduonna (düraunt las uras d’avertüra da l’hotel), taxa stagiun da sted CHF 1'100,
stagiun d’inviern CHF 4'000, ca. 30 persunas
Silvaplauna
- Sela da copulaziun illa chesa cumünela, ca. 30 persunas
Segl
- Staunza da copulaziun illa chesa cumünela, ca. 20 persunas
Schlarigna
- Staunza da dschember illa chesa cumünela, max. 12 persunas
Samedan
- Sela da copulaziun illa chesa cumünela, ca. 20 persunas
Puntraschigna
- Sela da copulaziun i’l Rondo, staunza moderna i’l center da congress e cultura Rondo, 3. plaun, ca. 15 persunas
- Museum Alpin, stüva antica, taxa supplementera CHF 100, max. 10 persunas
Bever
- Staunza dal cussagl dals burgais da la vschinauncha burgaisa, taxa supplementera CHF 50, ca. 10 persunas
- Staunza da büro da la vschinauncha da Bever, ca. 12 persunas
La Punt Chamues-ch
- Sela dal cussagl dals burgais da la vschinauncha burgaisa, ca. 15 persunas
Madulain
- Stüva Chesa Strimer (nun as rechatta illa chesa cumünela), ca. 12 persunas
Zuoz
- Staunza da copulaziun illa chesa cumünela, ca. 12 persunas
- Tuor Planta/La Tuor, tuor istorica, be düraunt ils mais da sted a partir dals 15 gün fin als 15 october, ca. 20 persunas
Bergiaglia
- Promontogno: Staunza da copulaziun illa chesa cumünela, ca. 15 persunas
- Stampa: Palazzo Castelmur, stüva, düraunt ils mais da sted a partir da gün fin in october, taxa supplementera CHF 200, ca. 20 persunas
- Vicosoprano: Pretorio, anteriura sela dal tribunel, taxa supplementera CHF 200, ca. 30 persunas
Natüralisaziun
Essas Vus rivedas/rivos in Svizra avaunt pü lönch? Essas Vus già naschidas/naschieus e creschidas/creschieus sü cò? As sentis Vus integredas/integros in Svizra? Es la Svizra Vos dachesa? In quel cas vais Vus la pussibilited da dvanter Svizras/Svizzers. Tuot tenor las premissas succeda que tres üna natüralisaziun faciliteda u ordinaria. Ils uffizis dal stedi civil nu sun directamaing integros illa procedura da natüralisaziun. Els dvaintan pür activs zieva cha la natüralisaziun es entreda in vigur. Per cussagliaziuns e per retrer ils formulers respectivs per üna natüralisaziun es cumpetent l'uffizi da migraziun e da dret civil dal chantun Grischun.
Mortoris
La mort stu gnir comunicheda immediatamaing ad ün meidi / meidi d’urgenza. Il meidi ho da scriver l’attest da mort chi stu gnir consegno stringentamaing a l’uffizi dal stedi civil dal lö dal mortori.
Las persunas obliedas da fer annunzcha haun d’annuncher ils mortoris infra duos dis a l’uffizi dal stedi civil.
Per ulteriuras infurmaziuns p. pl. consulter il fögl d'infurmaziun.
Administraziun dal sunteri da San Murezzan
Via Maistra 12
7500 San Murezzan
+41 81 836 30 00
La pulizia cumünela infurmescha davart il servezzan da piquet da la vschinauncha da San Murezzan:
+41 81 833 30 17
Sepultüras illas otras vschinaunchas da la regiun
Per plaschair contacter pü svelt pussibel la vschinauncha, inua cha la trapasseda/ il trapasso ho gieu l’ultim sieu domicil.
Mnedra dal post e uffizianta da stedi civil
Irene Wüthrich
Uffizianta da stedi civil
Angela Brunoldi Bongulielmi
Uffizianta da stedi civil
Claudia Vondrasek
Links, infurmaziuns
Contact
Uffizi dal stedi civil de la Regiun Malögia
Via Maistra 12
7500 St. Moritz
Uras d'avertüra
Lündeschdi fin gövgia
8.30 fin 11.30, 14.00 fin 17.00
Venderdi
8.30 fin 11.30, 14.00 fin 16.00
Cunvegna da termin zieva preavis.