Assistenza professiunela
Zu Ihrer Unterstützung

Cun l’introducziun dal nouv dret da protecziun dals creschieus a partir dals 1. schner 2013 haun las avuadias ufficielas i’l chantun Grischun müdo nom in assistenzas professiunelas e las autoriteds tuteleras in autoriteds per la protecziun da l’iffaunt e da creschieus. Cun l’entreda in vigur da la refuorma dal territori ils 1. schner 2016 es la regiun Malögia dvanteda cumpetenta in decisiuns strategicas per l’assistenza professiunela.

Per incumbenza e suot la survagliaunza da l’autorited per la protecziun da l’iffaunt e da creschieus (APUC) Engiadina/Valledas dal süd sun ils collavuratuors/las collavuraturas da l’assistenza professiunela da la regiun Malögia cumpetents per la realisaziun d’imsüras dal dret da protecziun da l’iffaunt e da creschieus.

I’l ram dals mandats stabilieus vegnan las persunas sustgnidas in fats persunels, finanziels e giuridics e vegnan cusgliedas in lur organisaziun da la vita, integrand l‘ambiaint sociel. Il territori da cumpetenza da l’assistenza professiunela da la regiun Malögia cumpiglia las vschinaunchas da la regiun Bever, Bergiaglia, Celerina/Schlarigna, La Punt Chamues-ch, Madulain, Puntraschigna, Samedan, S-chanf, Sils/Segl in Engiadina, Silvaplauna, San Murezzan, Zuoz.

La direcziun professiunela e persunela da l’assistenza professiunela es chosa dal mneder dal post.