Flexible Arbeitszeitmodelle und wo möglich inkl. Homeoffice und mobilem Arbeiten
substitut/a da l’administratur dal register fundiari (persuna da notariat)
L’uffizi dal register fundiari da la Regiun Malögia cun sieu büro a San Murezzan es respunsabel per tuot las fatschendas da register fundiari in Engiadin’Ota ed in Bergiaglia. Nus creains relaziuns cleras, uschè cha minchün so, chenüna immobiglia chi tuocha a chi. Lavura Ella/El gugent in möd exact ed ho interess vi da dumandas giuridicas?
Nus tscherchains per immediat u tenor cunvegna üna persunalited ingascheda scu
substitut/a da l’administratur dal register fundiari (persuna da notariat) 80-100%
Sias incumbenzas
⦁ administrer il register fundiari ed elavurer las fatschendas
⦁ evader interamaing ils fats da contrats, incl. cussagliaziun dals cliaints, legalisaziun dals acts giuridics e verificaziuns (notariat dal register fundiari)
Sieu profil
⦁ patenta d’administratur dal register fundiari u diplom equivalent (p. ex. patenta da notariat)
⦁ dun da tratter
⦁ abilited da comunicher, da supporter squitsch scu eir da lavurer in üna squedra
⦁ möd da lavurer conscienzchus, autonom e cun sen per respunsabilted
⦁ möd sgür e precis da s’exprimer in scrit ed a buocha scu eir fich bunas cugnuschentschas da la lingua tudas-cha e taliauna
Nossa spüerta
⦁ ün’activited varieda ed interessanta
⦁ la pussibilted da’s perfecziuner professiunelmaing e persunelmaing
⦁ ün team ingascho e bainvugliaint
⦁ cundiziuns da lavur e d’ingaschamaint attractivas
⦁ üna plazza da lavur moderna immez l’Engiadin‘Ota
Ulteriuras infurmaziuns davart quista plazza do gugent la mnedra da l’uffizi fundiari, Kerstin Wehrmann, 081 552 53 60.
Avains nus svaglio Sieu interess? Ch’Ella/El trametta sieu dossier da candidatura per e-mail a kerstin-wehrmann@regio-maloja.ch.
Nus ans allegrains da fer Sia cugnuschentscha!