Incarikeda / incarico pel cudesch fundiari (60-100%)

L’uffizi fundiari da la Regiun Malögia a San Murezzan pissera cha las relaziuns da proprieted in connex cun parcellas sajan documentedas tenor la ledscha e s’occupa dals interess da sia cliantella in möd cumpetent, conscienzchus e serviziaivel.

Per rinfurzer nos team tscherchainsa a partir da dalum u tenor cunvegna üna persunalited ingascheda scu

incarikeda / incarico pel cudesch fundiari (60-100%)

Ella/El s’interessa per dumandas giuridicas, lavura gugent in möd precis e predscha il contact cun umauns? Alura La/Al spetta üna lavur varieda al punct da contact da dret, administraziun e cussagliaziun da la cliantella.

Sias lezchas

• indater las fatschendas annunzchedas (impustüt contrats da cumpra, da pegn e da servitut) i’l cudesch fundiari informatic
• administrer il diari (registraziun cronologica da las fatschendas annunzchedas pel cudesch fundiari)
• preparer ils extrats dal cudesch fundiari scu eir documaints sün palperi
• evader lavuors postelas ed administrativas
• der infurmaziuns a buocha ed in scrit al telefon ed al fnestrigl

In cas da qualificaziun e zieva il temp d’introducziun:

• fer controllas formelas e per part materielas da las fatschendas annunzchedas pel cudesch fundiari
• güder a preparer fatschendas giuridicas in connex cun parcellas
• elavurer in möd autonom tuot las fatschendas giuridicas
• cusglier nossa cliantella in discuors persunels

Sieu profil

• furmaziun commerciela da basa conclüta (profil E u equivalent), cun preferenza illa branscha da l’administraziun publica
• cugnuschentschas i’l dret dal cudesch fundiari e’l dret reel sun d’avantag
• grand interess per dumandas giuridicas e plaschair d’evader lezchas pretensiusas e multifarias
• möd da lavurer conscienzchus, autonom e cun sen per respunsabilted
• persunalited orienteda al servezzan ed als bsögns da la cliantella
• möd sgür e precis da s’exprimer in scrit ed a buocha scu eir fich bunas cugnuschentschas da la lingua tudas-cha e taliauna

 Nossa spüerta

• ün’activited varieda ed interessanta
• la pussibilted da’s perfecziuner professiunelmaing e persunelmaing
• ün team ingascho e bainvugliaint
• cundiziuns da lavur e d’ingaschamaint attractivas
• üna plazza da lavur moderna immez l’Engiadin‘Ota

Per dumandas La/Al sto la mnedra da l’uffizi fundiari, Kerstin Wehrmann, tel. 081 552 53 60, gugent a disposiziun.

Vainsa svaglio Sieu interess? Alura ans allegrainsa da survgnir Sia annunzcha. Ch’Ella/El trametta Sieu dossier d’annunzcha cumplet fin als 10 lügl 2026 a kerstin.wehrmann@regio-maloja.ch.

Nus ans allegrains da fer Sia cugnuschentscha!