Avis ufficiel per dumandas da promoziun da la cultura

La Cumischiun per la promoziun da la cultura da la Regiun Malögia es respunsabla per l’evaluaziun professiunela da dumandas da promoziun per progets culturels in Engiadin’Ota e Bergiaglia. La promoziun da la creaziun culturela succeda tres conceder contribuziuns da promoziun a progets culturels. Ils princips da la promoziun regiunela da la cultura scu eir las pretaisas per dumandas sun da chattar i’l reglamaint organisatoric: www.regio-maloja.ch/Incumbenzas/Promoziun da la cultura illa regiun.

 

Dumandas per contribuziuns per progets chi sun planisos per l’an 2027 sun d’inoltrer in scrit – il meglder per e-mail – a la Cumischiun per la promoziun da la cultura fin als 30 gün 2026. Dumandas per progets pü pitschens chi nu’s repetan paun eir gnir inoltredas a cuorta vista, però na pü tard cu quatter mais aunz la realisaziun. Per plaschair trametter las dumandas per contribuziuns a la seguainta adressa:

 

Regiun Malögia

Cumischiun per la promoziun da la cultura

Chaschella postela 119

7503 Samedan

E-Mail: info@regio-maloja.ch

Selina Nicolay, presidenta da la

Cumischiun per la promoziun da la cultura Regiun Malögia