Flexible Arbeitszeitmodelle und wo möglich inkl. Homeoffice und mobilem Arbeiten
collavuratur collavuratura elavuraziun specifica 40-60%
Tschercha Ella/El üna lavur interessanta e varieda sül sectur da scussiun e fallimaint? Predscha Ella/El il contact cun la cliantella, las activiteds interessantas e plain variaziun ed ho interess vi da dumandas giuridicas? Alura fessans gugent la cugnuschentscha dad Ella/El.
L’uffizi da scussiun e fallimaint Malögia a Samedan tschercha per immediat u tenor cunvegna üna persunalited ingascheda e motiveda scu:
collavuratur/a elavuraziun specifica 40-60%
Sias incumbenzas
- Elavuraziun specifica in generel sül sectur da scussiun e fallimaint
- Incumbenzas da secretariat incl. fnestrigl, telefon, correspundenza, gestiun da documaints ed organisaziun dals termins
- Sustegn i’l decuors administrativ da proceduras da scussiun e fallimaint
Sieu profil
- Scolaziun commerciela glivreda u scolaziun equivalenta
- Fich bunas cugnuschentschas da la lingua tudas-cha a buocha ed in scrit
- Cugnuschentschas dal taliaun, rumauntsch u portugais sun giavüschedas
- Abilited da lavurer cun applicaziuns EED üsitedas e cun mezs da lavur digitels
- Abilited da lavurer in üna squedra, deport amiaivel e professiunel in contact cun cliaints ed autoriteds
Nossa spüerta
- Activited varieda ed interessanta in ün sectur da lavur plain tensiun
- Cultura da squedra e collavuraziun colleghiela plain stima
- Cundiziuns da lavur e d’ingaschamaint attractivas
- Pussibilited da perfecziunamaint persunel e svilup ulteriur
Ulteriuras infurmaziuns davart quista plazza do gugent Andrea Fanconi, mneder dal post, Uffizi da scussiun e fallimaint Malögia, 081 552 53 20.
Avains nus svaglio Sieu interess? Ch’Ella/El trametta sieu dossier da candidatura fin als 16 gün 2025 ad andrea.fanconi@regio-maloja.ch. Nus ans allegrains sün Sia candidatura!