Progets

Engadin Arena

L’Engadin Arena – ün proget regiunel per promouver il sport da massa

 

Il proget Engadin Arena es gnieu lantscho dal 2017 ed es ün proget d’infrastructura per promouver il sport da massa in Engiadina. L’idea pel proget es gnida sviluppeda i’l ram da l’elavuraziun da la strategia dal Maraton da skis engiadinais, cun l’intent da pudair render accessibel l’inter traget dal maraton da Malögia fin a S-chanf düraunt tuot l’an  e sainz’interrupziun e da’l pudair inscener correspundentamaing.  L’Engiadina dess gnir pusiziuneda pel sport da massa scu arena da sport da perseveranza our i’l liber da tuot an cun caracter polisportiv e dess cumplementer l’infrastructura necessaria per quist intent.

La Regiun Malögia scu eir il chantun Grischun haun sustgnieu quist’idea scu proget da svilup regiunel per promouver il sport da massa. Cun l’iniziaziun e la realisaziun da l’Engadin Arena es gnieu incumbenzo il Maraton da skis engiadinais cun la mnedra dal proget Franziska Preisig. Zieva üna fasa da realisaziun da quatter ans, düraunt la quela sun gnieus lantschos differents progets parziels d’infrastructura, es la coordinaziun da la fasa finela darcho gnida transferida a la Regiun Malögia; daspö l’avrigl 2021 es que l’incumbenza da la sviluppedra regiunela Claudia Jann.

L’Engadin Arena optimescha l’infrastructura già existenta e coordinescha ils differents geners da sport. L’incumbenza da las vschinaunchas es quella da cumpletter intenziunedamaing  l’infrastructura.. Da Malögia fin a S-chanf sun gnieus preschantos  15 progets parziels chi vegnan eir sustgnieus finanzielmaing dal chantun Grischun. Il böt es quel da realiser quistas infrastructuras fin l’an 2027. Ultra dal traget sainz’interrupziun da Malögia fin a S-chanf per curridur(a)s da passlung e bikers s’ho que creo sün l’inter traget puncts centrels, uschenumnos HUBs. Quists HUBs sun ils lös da partenza e d’inscunter dals differents geners da sport. Els contribueschan al barat sportiv scu eir sociel.


Sün la seguainta carta pudais Vus observer il progress da la realisaziun da l’infrastructura:


L'Engadin Arena da prümavaira, da sted e d'utuon...

e d'inviern!


Contact

Engadin Arena

Region Maloja / Regionalentwicklung
Claudia Jann
Quadratscha 1
7503 Samedan

+41 79 315 03 41

Downloads e links