Zieva l’appruvaziun da l’iniziativa per ün center regiunel per sports sün glatsch in favrer 2019 es seguida l’evaluaziun dal lö per ün tel center. Quist’evaluaziun es gnida documenteda i’l concept regiunel da lös per centers da sport e surdeda a la cooperaziun publica a partir da settember fin in november 2019.
La conferenza dals presidents ho appruvo in sia tschanteda dals 30 schner 2020 il concept dal lö per centers da sport cun l’evaluaziun dals lös pussibels per ün center regiunel per sports sün glatsch. In quist figüreschan ils duos lös San Murezzan Signal e Samedan Promulins ost scu lös ils pü adattos. In seguit sun gnieus fats differentas examinaziuns in tuots duos lös. Tenor il resultat da las examinaziuns nun es pussibla la realisaziun d’ün center regiunel per sports sün glatsch ne in ün ne in l’oter lö.
Intaunt examinescha la vschinauncha da San Murezzan la realisaziun d’ün implaunt cumünel pü pitschen al lö Islas. Cur cha’ls resultats sun avaunt maun as decidaro que davart il proget d’ün center regiunel per sports sün glatsch; fin lo vain que sistieu.